У 1930-х гадах верагоднасць быць арыштаваным была высокая як для тых, хто халатна выконваў сваю працу, так і для тых, хто аддана працаваў на карысць Радзіме. Ян Густыр - навуковец, перакладчык, дыпламат. Расстраляны як адзін з кіраўнікоў неіснуючага Беларускага нацыянальнага цэнтра.

Гаўрыла Іванавіч Гарэцкі - славуты беларускі навуковец, лаўрэат дзяржаўных прэмій СССР і БССР. Чатыры разы сядзеў у турмах пад следствам, двойчы асуджаны да расстрэлу.

Барыс Гюнтэр – адзін з тых, дзякуючы каму Беларусь стала незалежнай краінай. Ён быў арыштаваны ва ўзросце 8-мі гадоў за тое, што сунуў алавянага салдаціка ў разетку. За гэтыя дзіцячыя жарты саслалі і яго бацькоў.

Адбывала пакаранне за ўдзел у Саюзе Беларускай Моладзі.

Адбываў пакаранне за выдуманую сувязь з часткамі Расейскай вызваленчай арміі, што базаваліся падчас вайны ў Лепелі

Бацькі раскулачванню не падлягалі, але старшыні сельсавету плацілі за кожную сям'ю звыш спісу на высылку, і 15 траўня 1931 г. сям'ю Лабатага выслалі ў Пермскую вобласць.

Сям'ю выслалі ў Казахстан, таму што былі палякамі. З 10 дзяцей 3-е памёрлі ў высылцы. Высадзілі ў голым стэпе: быў толькі калодзеж і калок “Пункт №4”, людзі самі мусілі будаваць сабе хаты. За межы спецпасялення забаранялася выходзіць болей, чым на 500 метраў.

Бацьку палічылі асаднікам, бо пад Польшай ён набыў зямлю, і сямю ў 1940 годзе выслалі ў Казахстан, далі толькі паўгадзіны на зборы. Прывезлі ў неацяпляльныя баракі, дзе шмат людзей памірала, у тым ліку ў 1941 годзе памер малодшы брат Софьі Смагур.

Бацьку прыпісалі лішнія гектары зямлі, маці абвінавацілі ў тым, што шыла для суседзяў вопратку, а таксама сям’я мела “наймічку” – прытулілі дзяўчынку-сірату.

Сям'я была выслана ў Сібір за тое, што дзед меў добрую гаспадарку. У высылцы памерлі амаль усе. Аляксандру Гаўрылаўну і яе сястру, якія нарадзіліся ў высылцы, выратаўваў толькі цуд.